Tuesday, June 23, 2009

ചേച്ചീടെ കവിത

എന്‍റെ ചേച്ചി കവിത എഴുതും. സാഹിത്യപരമായി വരണ്ടുണങ്ങിയ പാരമ്പര്യം ആയതിനാലും Genetic ലെവലില്‍ കവിത എഴുതുന്നതിനുള്ള DNA കൊടുക്കുവാന്‍ Daadiyum mummiyum മറന്നുപോയതിനാലും വളരെ കഷ്ടപ്പെട്ട് കവിത എഴുതേണ്ടി വരുന്ന ഒരു പാവം സാഹിത്യകാരിയാണ്‌ എന്‍റെ ചേച്ചി റൂബി.കെ.എസ്‌. മലയാളം MA പഠിക്കണം, കലാമാന്ധലത്തില്‍ പോയി ഡാന്‍സ് പഠിക്കനമെന്നെല്ലാം പറഞ്ഞിരുന്ന ചേച്ചിയെ പിടിച്ചു വീട്ടുകാര്‍ തൊഴില്‍സാധ്യതകള്‍ മുന്‍ നിര്‍ത്തി ഡിഗ്രിക്ക് Maths എടുപ്പിച്ചു. ജിലേബി മീന്‍കറി കൂട്ടി കഴിക്കാന്‍ കിട്ടിയാല്‍ ഉണ്ടാകുന്ന സന്തോഷത്തില്‍ ചേച്ചി Maths പഠിച്ചു(പാസായി). മാതൃഭൂമിയില്‍ കവിത അച്ചടിച്ചു വരണമെന്ന് ചേച്ചിയുടെ ഭയങ്കര (അത്യാ)ആഗ്രഹമായിരുന്നു. But ഇനിയും കവിതകള്‍ അയച്ചു തന്നാല്‍ fine അടക്കേണ്ടിവരുമെന്നു മാതൃഭൂമിയില്‍ നിന്നും കത്ത് വന്നതോടെ ചേച്ചി Decent ആയി. അതോടെ അനാഥരായ കുറെ കവിതകളിനിന്നോന്നെടുത്തു ഞാന്‍ പോസ്റ്റുന്നു . എന്റെ ചേച്ചിക്ക് വേണ്ടി.

എങ്കിലും...
അന്നെന്തു ചൊല്ലി എന്നെ വിളിച്ചു നീ,
മൌനതിലെല്ലേം ഒളിപ്പിച്ചു ഞാന്‍
മിഴികള്‍ നനഞ്ഞീല, മൊഴികള്‍ പിടഞ്ഞീല
നെഞ്ജകം കത്തി എരിഞ്ഞു നിന്നു
ഇന്നീ സന്ധ്യയില്‍, അമ്പലമുറ്റത്ത്‌
എന്തിനു നീയെന്‍ മുന്‍പില്‍ വന്നു
കണ്ണില്‍ തീയില്ല ..മൊഴികളില്‍ അമ്പില്ല..
സ്നേഹം തുളുമ്പും മൌനം മാത്രം. 
അന്നു കലാലയമേകിയ നനവാര്‍ന്ന
നൊമ്പരമല്ലോ നിന്നോര്‍മകള്‍
ചെങ്കോടിക്കൊപ്പം ജ്വലിക്കുന്ന വാക്കുകള്‍
വാഴ്ത്തി ഞാനും രക്ത പുഷ്പങ്ങളെ
ഇല്ലാത്ത ദേവനെ പൂജിചോരെന്നെ നീ
വിഡ്ഢിയെന്നന്നു വിളിച്ചതില്ലേ
എന്‍ പ്രണയത്തിന്റെ ചെന്നീരില്‍ മുക്കി നീ
നിന്‍ കൊടിക്കൂരക്കു വര്‍ണമെകി
അമ്മതന്‍ നിറയുന്ന കണ്‍കളേ)
തോല്പ്പിച്ചതന്നും പതിവുപോലെ
കാലമില്ലിനിയും കാത്തിരിക്കനെന്നു
ചൊല്ലിയ നിമിഷം മറന്നുപോയോ?
സീമന്തരേഖയില്‍ കുങ്കുമം വീണു
പോറ്റിയോര്‍ക്കെല്ലാം പറക്കമുറ്റി
ഇന്നീ സന്ധ്യയില്‍, അമ്പലമുറ്റത്ത്‌
എന്തിനു നീയെന്‍ മുന്‍പില്‍ വന്നു
അഗ്നിയിന്നില്ല തിളയ്ക്കുന്ന കണ്‍കളില്‍
അലകലടങ്ങിയ സാഗരമോ
നിന്‍ വഴിത്താരയില്‍ പാഥേയം ആകുവാന്‍ 
ഇന്നുനീയേന്നെ ക്ഷണിക്കയാണോ?
സീമന്തരേഖയില്‍ രക്തം പോടിഞ്ഞുവോ
താലിയിലിന്നേന്‍ വിരലമര്ന്നൊ
ഇല്ല സതീര്‍ത്യ പൊറുക്കുക നീ
ഞാന്‍ ധ്യാനിച്ച നീ എങ്ങോ പോയ്മറഞ്ഞു
ഞാന്‍ പൂജിച്ച വിപ്ലവം പോയ്മറഞ്ഞു
നൈവേധ്യമിന്നും വലം കയ്യിലുന്ടെന്‍
ഇടം കയ്യില്‍ പാറുന്ന ചെംകൊടിയും

എങ്കിലും...ഇന്നീ സന്ധ്യയില്‍, അമ്പലമുറ്റത്ത്‌
എന്തിനു നീയെന്‍ അരികില്‍ വന്നു

Monday, June 22, 2009

My Unicef Child

ഹൊ..ഒരു ബ്ലോഗ് തുടങ്ങണം ഒരു ബ്ലോഗ് തുടങ്ങണം എന്ന് വിചാരിച്ചിട്ട് കുറെ കാലായി. ജീവിത പ്രാരാബ്ദങ്ങള്‍ കാരണം ഞാന്‍ ആ വിചാരം HOLDil വച്ചിരിക്കുകയായിരുന്നു .പിന്നീടെപ്പോഴോ അത് Reconsider ചെയ്തപ്പോള്‍ ആശയദാരിദ്രം ചന്തുവിനെ തോല്‍പ്പിച്ചു. പിന്നിതെന്താ ഇപ്പൊ എന്ന് ചോദിച്ചാല്‍ എന്റെ ഫ്രണ്ട് സവിന്‍റെ നിര്‍ബന്ധം മൂലമാണ്. എന്തെഴുതിയാലും വയിച്ചുകൊല്ലാമെന്നു പറഞ്ഞവന്‍ അവന്റെ dadiയെയും മമ്മിയെയും പിടിച്ചു സത്യം ചെയ്തിട്ടുണ്ട് . അബ്രഹാം ലിങ്കന്‍ പതിനൊന്നു തവണ fail ആയതിനു ശേഷമാന്നു പ്രസിടണ്ടായതെന്നും സൊ എന്‍റെ തോല്‍വി ഈസ്‌ നോട്ട് എ ബിഗ്‌ ഡീല്‍ എന്നെല്ലാം പറഞ്ഞപ്പോ സ്വതവേ ദുര്‍ബലഹൃദയനായ ഞാന്‍ അതില്‍ വീണുപോയി. എങ്ങിനെ ബ്ലോഗ് എഴുതണം എന്ന് നോക്കാനായി ആദ്യം ചെയ്തത്‌ വലിയ വലിയ കുടുംബത്തില്‍ പിറന്ന ബ്ലോഗുകള്‍ വായിച്ചു നോക്കുകയായിരുന്നു. പിന്നീട് ബ്ലോഗ്‌ തുടങ്ങണം എന്നാലോചിക്കുമ്പോള്‍ Jurassic Parkil കെട്ടിയിട്ടിരിക്കുന്ന ആടിനെ ആണ് ഓര്‍മവരുന്നത്.അതിന്‍റെ എല്ലാം മുന്‍പില്‍ എന്റെ "ബ്ലും"നു യുനിസെഫ്‌ പരസ്യത്തിലെ കുട്ടിയുടെ ഇമേജെ ഉണ്ടാകൂ എന്ന് മനസിലയെന്കിലും ബാക്കി പത്തു തവണ ഇനിയും fail അയാലല്ലേ പ്രസിടണ്ടാകാന്‍ പറ്റുള്ളൂ . സൊ guys...ഇതാന്നു എന്‍റെ ബ്ലും ...എന്‍റെ Unicef Child.